حكايات السبكى و فيلم سعد : تهديد بالخطف و القتل و أشياء أخرى... !!

كمال سلطان الثلاثاء 24 يونيو 2008, 6:30 pm

قال عصام الوريث مصمم المعارك السينمائية لفيلم محمد سعد الجديد أنه تلقى تهديد بالخطف والقتل من المنتج السينمائى أحمد السبكى ، بعد قيام عصام بمهاجمته فى الصحف لأنه على حد قول عصام رفض دفع مستحقاته ، والذى أضاف لبرنامج 90 دقيقة : كان المفروض أن أصمم خناقة لمحمد سعد فى فيلمه الجديد بوشكاش ، ومعى 8 مدربين ، لما رحنا مكان التصوير كريم السبكى قرر يصمم المشهد ب 3 بس وقاللى انت مكان محمد سعد ، علشان يوفر فى الميزانية ، عملت المشهد واتكسر لى ضلع ومع ذلك كملت التصوير، طالبته بفلوسى كريم قاللى تعلى بكرة، رحت للحاج احمد قاللى ماليش دعوة انت اتفقت مع كريم .
يضيف عصام : فى اليوم التالى اتصل بى السبكى بعد أن نشرت الصحف الخبر ، قاللى" انت ليك حق ، انا أخطفك و أجيبك متكتف فى المكتب هنا وأديلك حقك اللى تستاهله ، قلت له كويس انك اعترفت بلسانك بحقى اللى عندك ، رد : مالكش عندى حقوق ، فقلت له حقى عند ربنا ، ورد على: ربنا بتاعك انت مش بتاعى أنا ، قفلت التليفون وقلت هاعمل محضر .
على الهاتف جاء ر السبكى لمعتز الدمرداش كالمتوقع ، عصبياً ومباشراً ، وبادر معتز الدمرداش قائلاً : ده كذاب ......إزاى ضلعه اتكسر وكمل الشغل ؟ أنا اديته الفين جنيه ، ولما جالى قاللى ضلعى اتكسر إديته 1300 جنيه ، مين ده يامعتز اللى انت بتسمعله ، إحنا السبكية مش بنخطف حد ، وانا هارفع عليه قضية بسبب الكلام اللى قاله.

لم يسكت معتز وزاد الفقرة اشتعالاً عندما سأل الحاج أحمد السبكى عن حكاية السخاوى ؟ واضاف : عرفنا ان حمدى السخاوى الممثل عندما تغيب عن تصوير بقية مشاهده فى فيلم بوشكاش ، تلقى علقة ساخنة من عدد من البلطجية حطموا لوكيشن التصوير فى أحد المسلسلات .
رد السبكى : أنا خلصت الفيلم وماعنديش مشاهد باقية ، والسخاوى حى يرزق واسأله"
على الهاتف قال حمدى السخاوى : لم أتعرض للضرب والاعتداء وأنا طرف محايد ، الخلاف كان بين إدارة الانتاج عند السبكى وادارة الانتاج عند عصام شعبان ، وكنت اصور أوردر فى فيلم محمد سعد وحصلت مشاكل عطلت التصوير ، قلت لهم هاروح الأوردر التانى ولما تخلصوا ابعتولى ، هم جاءوا الى مكان التصوير علشان ياخدونى ،وسمعت بعد مارجعت من أحمد السبكى ان فيه تشابك حصل بين إدارة السبكى وإدارة عصام شعبان ،علشان أروح أعمل مشهدين فى فيلم بوشكاش .
رد أحمد السبكى : السخاوى كان له شوت عندنا ، قاللى عندى مسلسل ، قلت له روح، ولما جه ميعاد تصوير المشهد مع محمد سعد ، بعت واحد من ادارة الانتاج عندى لإحضاره ، عطلوه هناك ساعات وحصلت مشاكل هم مسئولين عنها .
كان هناك طرف ثالث وهو مجدى محمود منتج المسلسل ، قال : للى حصل نى كنت فى اللوكيشن وحضر كريم السبكى ومدير الانتاج احمد ماهر ، ومعاهم حوالى 30 واحد كسروا اللوكيشن ، وأنا عملت محضر.